२५ जेठ २०८३, सोमबार
चट्याङ लागेर कपिलवस्तुमा बुधबार बिहान दुई जना युवाको मृत्यु भएको छ ।
मृत्यु हुनेमा कपिलवस्तुको बुद्धभूमि नगरपालिका–१० धनकौलीका १७ वर्षीय राजु ठाकुर र यशोधरा गाउँपालिका–६ भइसहियाका २२ वर्षीय महेश कलवार रहेका छन् ।
उनीहरूको बिहान साढे ७ बजेतिर खेतमा काम गर्दागर्दै चट्याङ लागेर मृत्यु भएको जिल्ला प्रहरी कार्यालय कपिलवस्तुका प्रमुख नवरत्न पौडेलले लोकान्तरलाई जानकारी दिए ।
बुधबार बिहानदेखि यस क्षेत्रमा भारी वर्षा जारी छ ।
पानी पर्नुअघि धेरै क्षेत्रमा चट्याङ परेको थियो।
