एनडी थर्टीनाइन बिजनेस ग्रुप प्रालिले दुबईको प्रसिद्ध चिया ब्रान्ड फिल्ली क्याफे नेपालमा भित्र्याएको छ ।

चियाका पारखी तथा नेपाली चियाको संस्कारलाई विश्व बजारमा प्रर्बद्धन गर्न र अन्तर्राष्ट्रिय स्तरको चिया स्वादलाई नेपालीमाझ चिनाउन यो ब्रान्ड नेपालमा भित्र्याइएको कम्पनीले जनाएको छ । 

फिल्ली क्याफेको पहिलो आउटलेट १४ अप्रिल २०२३ मा काठमाडौंको लाजिम्पाटमा खुलेको थियो । लाजिम्पाटलगायत ठमेल, बौद्ध तथा पुल्चोकको लबिम मलमा गरी आफ्ना ४ आउटलेट विस्तार गरिएको हो । 

क्याफेको उद्घाटन बुधवार आयोजित कार्यक्रममा विभिन्न व्यक्तिले गरेका थिए । कार्यक्रममा फिल्ली क्याफेका संस्थापक सीईओ रहिफ फिल्ली, फिल्ली क्याफे नेपालका सञ्चालकद्धय नवीन खड्का र धुब्र रिजाल, फिल्ली क्याफे नेपालका महाप्रबन्धक बिक्की खड्का, अभिनेता राजेश हमाल, क्रिकेटर सोमपाल कामी लगायतका व्यक्तिको उपस्थिति थियो ।

फिल्ली क्याफेले चियाको पारखीहरूका लागि ४ वटा शाखामार्फत सेवा सञ्चालनमा ल्याएको कार्यक्रममा जानकारी दिइयो । चाँडै नै पर्यटकीय नगरी पोखरामा समेत शाखा विस्तार गरिने फिल्ली क्याफे नेपालका सञ्चालक नवीन खड्काले बताए । साथै आगामी ५ वर्षमा नेपालभर २५ वटाभन्दा बढी शाखा सञ्चालनमा ल्याउने योजना रहेको उनले सुनाए । 

युवाहरू विदेशिने बढ्दो क्रमलाई मध्यनजर गर्दै स्वदेशमै हस्पिटालिटी बिजनेसमा रोजगारीको अवसर सिर्जना गर्ने लक्ष्य लिइएको कम्पनीले जनाएको छ । ‘उनीहरूलाई स्वदेशमै स्वावलम्बी हुन अभिप्रेरित गर्ने उद्देश्यसहित दक्ष जनशक्ति र सीप अभिमुखीकरणका लागि फिल्लीका आउटलेटहरूले अवसर प्रदान गर्नेछन्,’ कम्पनीका सञ्चालक धुब्र रिजालले भने, ‘यसबाहेक आफ्नै बेकरी उत्पादन, सेन्टल किचेन र बारिस्टा कोर्सहरूको पनि तयारी भइरहेको छ ।’ 

जैविक उत्पादन र ताजा पारम्परिक तरिकाबाट पकाइएको खाना, उत्कृष्ट सेवा र आकर्षक इन्टेरिएर एवम् कोलाहलमुक्त वातावरणले गर्दा आफू यस क्याफेको रेगुलर ग्राहक भएको अभिनेता हमालले बताए । 

फिल्ली क्याफेका संस्थापक सीईओ रहिफ फिल्लीले काठमाडौंमा फिल्ली क्याफे ल्याउन पाउँदा हर्षित भएको बताए । खुलेका शाखा चिया पारखीका आकर्षक गन्तव्य बन्नेमा आफू ढुक्क रहेको उनको भनाइ थियो । 

फिल्ली क्याफे यूएईको दुबईमा एक सानो स्थानीय क्याफेको रूपमा शुरू भएको थियो । यसले हाल १५ वटा देशमा आफ्ना शाखा विस्तार गरिसकेको छ । नेपाल र यूएईसँगै ओमान, कतार, संयुक्त राज्य अमेरिका, बेलायत, क्यानडा, भारत र मौरिससलगायत देशमा शाखा विस्तार भएको हो ।

फिल्ली सिग्नेचर ’जाफ्रान टी’का लागि परिचित छ, जुन चियाको अनुपम मिश्रण भएका कम्पनीको भनाइ छ । ‘साथै फिल्ली क्याफेले विभिन्न प्रकारका खाजा र पेय पदार्थहरू पनि समावेश गर्दछ । आइस्ड चिया, मिल्कशेक मकटेल, बन कबाब, स्यान्डविच, मोःमो लगायतका मेनुले भारतीय र मध्य पूर्वी खानाका स्वादहरूलाई पूरा गर्दछ,’ कम्पनीले जारी गरेको विज्ञप्तिमा भनिएको छ ।