२३ जेठ २०८३, शनिबार
काठमाडौंको रामकोटमा कार दुर्घटना हुँदा एक जनाको मृत्यु भएको छ।
नागार्जुन नगरपालिका-६ रामकोटस्थित छमछमे खोलाको कलभर्टमा बाप्र ०२७ च ०४९१ नम्बरको कार खस्दा चालकको मृत्यु भएको प्रहरीले जनाएको छ ।
मृत्यु हुनेमा नागर्जुन नगरपालिका-६ खरिबोटका अन्दाजी ४०/५० वर्षका पूर्ण दर्नाल छन् ।
राति नै कार खसेको भए पनि बिहान साढे ५ बजेमात्र घटनास्थलबाट दर्नालको उद्धार भएको थियो ।
उनलाई उपचारका लागि मनमोहन मेमोरियल अस्पताल लगिएको थियो । तर, बिहान पौने ६ बजेतिर चिकित्सकले मृत घोषणा गरेको प्रहरीले जनाएको छ ।
घटनाबारे अनुसन्धान भइरहेको प्रहरीको भनाइ छ ।
