युक्रेनी राष्ट्रपति भ्लादिमिर जेलेन्स्कीले आफ्नो देशले अब धेरै युद्ध नसहने भन्दै छिट्टै दोस्रो शान्ति शिखर सम्मेलन आयोजना गर्नुपर्ने बताएका छन् ।

युक्रेनी सञ्चारमाध्यम युक्रेनफर्मका अनुसार राष्ट्रपति जेलेन्स्कीले बेल्जियमको ब्रसेल्समा पत्रकारहरूसँग छोटो कुरा गर्दै विस्तृत कार्ययोजना बनाएर दोस्रो सम्मेलनमा जान ढिलाई गर्न नहुने बताएका हुन् ।

आफू कमजोर बनेको राष्ट्रपति जेलेन्स्कीले स्वीकारेका छन् ।

'हामीसँग धेरै समय छैन । हामीसँग धेरै घाइते, मृतक सेना र नागरिक छन् । त्यसैले हामी यो युद्ध वर्षौंसम्म चलोस् भन्ने चाहँदैनौं,' उनले भने, 'त्यसैले, हामीले अर्को शान्ति शिखर सम्मेलनको योजना तयार गर्नुपर्छ र यसलाई टेबुलमा राख्नुपर्छ ।'

पत्रकारहरूसँग कुरा गर्दै जेलेन्स्की नयाँ शिखर सम्मेलनले रुसले गरेको सबै आक्रमणलाई निरस्त पार्ने खालको योजना नयाँ शिखर सम्मेलनले पारित गर्नुपर्ने बताएका हुन् ।

'रुसको आक्रमणका कारणले निम्तिएका सबै संकटहरूसँग जुध्न सकिने गरी कार्ययोजना पास हुनुपर्छ,' उनको भनाइ छ ।

दोस्रो शान्ति शिखर सम्मेलन २०२४ को अन्त्यसम्म आयोजना हुने अन्तर्राष्ट्रिय सञ्चार माध्यमहरूले जनाएका छन् । पहिलो शिखर सम्मेलन स्विजरल्यान्डमा आयोजना गरिएको थियो, जसमा ९० भन्दा बढी देशहरू सहभागी थिए ।​

स्विट्जरल्यान्डले गत जुन १५ र १६ मा युक्रेनको विश्व शान्ति शिखर सम्मेलनको आयोजना गरेको थियो । जुन १६ मा भएको शान्ति सम्मेलनको अन्तिम संयुक्त विज्ञप्तिमा ७८ राज्य र चार संस्थाले हस्ताक्षर गरेका थिए । कार्यक्रमपछि थप नौ वटा राज्यले उक्त दस्तावेजमा हस्ताक्षर गरेका थिए ।

युक्रेनले यही वर्षको अन्त्यमा दोस्रो विश्व शान्ति शिखर सम्मेलनको प्रबन्ध गर्ने योजना बनाइरहेको छ । युक्रेनले जेलेन्स्कीको १० बुँदे शान्ति प्रस्तावमा आधारित नयाँ संयुक्त शान्ति योजना विकास गर्ने आशा अरू देशहरूबाट राखेको छ ।

अमेरिका लगायत पश्चिमा देशहरूले हातहतियार र सैन्य सहयोग कम गर्दै लगेपछि युक्रेन यतिबेला कमजोर देखिएको छ । राष्ट्रपति जेलेन्स्कीले अन्तर्राष्ट्रिय समुदायसँग शान्तिको लागि अपिल गरिरहेका छन् ।

#WATCH: Vladimir Zelensky is now calling for peace because there's 'too many dead bodies'. Many have been saying this for years!

Blood is on the hands of all the WARMONGERS who demanded continual funding of this UNWINNABLE WAR!

I hope you're happy Liberals! 🇺🇦🇺🇦🇺🇦 pic.twitter.com/PzobKnsEd8

— govt.exe is corrupt (@govt_corrupt) June 27, 2024