अख्तियार दुरुपयोग अनुसन्धान आयोगले पोखरा महानगरपालिकाको कार्यालयमा छापा मारेको छ ।

मणिपाल शिक्षण अस्पताललाई राजश्व छुट दिएको विषयमा उजुरी परेपछि अख्तियारको टोलीले मंगलवार महानगरमा छापा हानेको हो । 

महानगरले मणिपाल अस्पताललाई नियमविपरीत २० करोड रुपैयाँ राजश्व छुट दिएकोबारे अख्तियारमा उजुरी परेको थियो । 

अख्तियारले सोही विषयमा छानबिन गर्न भन्दै महानगरको कार्यपालिका बैठक र राजश्व परामर्श समितिले गरेका निर्णयका कागजात नियन्त्रणमा लिएको छ ।

यो विषय बाहिर आएपछि महानगरका प्रमुख (मेयर) धनराज आचार्य आलोचित बनेका छन् ।