१० साउन २०८३, आइतबार
रुसले युक्रेनविरुद्ध जारी युद्धमा मारिएका भारतीयका परिवारलाई क्षतिपूर्ति दिने प्रक्रिया सुरु गरेको छ ।
दुई मृतकका परिवारले क्षतिपूर्तिको प्रक्रिया शुरू भएको जनाएको बीबीसीले उदृत गरेको छ । यीमध्ये एक परिवारले रुसी नागरिकता स्वीकार गर्न पनि सहमति जनाएका छन् ।
गुजरातका अश्विन भाइ मांगुकियाले भने, 'उनीहरूले मेरो खातामा ४५ लाख रुपैयाँ जम्मा गरिसकेका छन् । १ करोड ३३ लाख रुपैयाँको क्षतिपूर्तिको बाँकी रकम थप दिइनेछ ।
उनका अनुसार सम्भवतः यही जुलाई महिनाको १५ वा २० तारिखसम्म उनले यो प्राप्त गर्न सक्ने बताइएको छ ।
गत फरवरी २१ गते मिसाइल आक्रमणमा परी अश्विन भाइ माङ्गुकियाका छोरा हमिलको मृत्यु भएको थियो ।
उनी जम्मा २३ वर्षका थिए । उनी एजेन्टको ठगीको सिकार बनेका थिए । एजेन्टले उनलाई रुसी सेनामा सहायकको रूपमा जागिर दिने वाचा गरेका थिए ।
तर हामिललाई अन्य धेरै भारतीयहरू भए जस्तै मोर्चामा पठाइयो । एजेन्टहरूले उनी र अरूलाई पनि रूसमा राम्रो तलबको जागिर दिने वाचा गरेका थिए, तर उनीहरूलाई युक्रेनविरुद्ध चलिरहेको युद्धमा लड्न पठाइयो ।
सामान्य परिवारका कम्तीमा ५० जनाले राम्रो जागिर पाउने आशामा एजेन्टलाई ठुलो रकम तिरेका थिए ।
रुसी सेनामा ‘हेल्पर’ जागिर दिने वाचामा एजेन्टले उनीहरूबाट प्रतिव्यक्ति करिब तीन लाख रुपैयाँ असुलेका थिए ।
रुस जाने यी सबै भारतीय युवाको उमेर २२ वर्षदेखि ३१ वर्षको बीचमा थियो ।
तिनका आमाबाबु वा दाजुभाइहरूले भारतमा कसैले अटोरिक्शा चलाउँथे भने कसैले ठेलामा चिया बेच्थे ।
पीडित र उनका परिवारका अनुसार उनीहरू रूस पुगेपछि घर पठाएको भिडियो सन्देशमा तालिमको नाममा युद्ध मोर्चामा पठाइएको आरोप लगाएका छन् ।
सोमवार भारतीय प्रधानमन्त्री नरेन्द्र मोदीले रूसको दुईदिने भ्रमण गरेका थिए । भ्रमणका क्रममा युद्धमा मारिएकालाई क्षतिपूर्तिको विषय पनि उठेको स्थानीय सञ्चारमाध्यमहरूले जनाएका थिए ।
