२१ जेठ २०८३, बिहीबार
त्रिवि शिक्षण अस्पताल महाराजगन्जको शिशु शल्य चिकित्सा विभागमा अत्याधुनिक प्रविधिको इसीजी मेसिन हस्तान्तरण गरिएको छ ।
सांसद प्रदीप पौडेलले विभागमा बुधबार आयोजित एक समारोहका बीच विभाग प्रमुख डा. गेहराज दाहाललाई इसीजी मेसिन हस्तान्तरण गरे । समारोहमा शिशु शल्य चिकित्सक डा. दिनेश कोइराला तथा विचाग इन्चार्ज विमला वैद्य लगायतको उपस्थितिमा मेसिन हस्तान्तरण गरिएको थियो ।
सान्भी फाउन्डेसन अष्ट्रेलियाले अत्याधुनिक १२ लिडको मोनिटरसहितको इसीजी मेसिन दिएको हो ।
शिशुहरूको मुटु सम्बन्धी समस्याहरू सहज रुपमा पहिचान गर्न यस मेसिनले सहयोग गर्नेछ । साथै बिरामी भएकै ठाउँमा लैजान मिल्ने 'पोर्टेबल' मेसिन भएकाले झनै सहज हुने विभाग प्रमुख डा. गेहराज दाहालले बताए ।
भविष्यमा अत्याधुनिक शिशु अप्रेसन थिएटर आवश्यक रहेको समेत बाल शल्यचिकित्सक डा. कोइरालाले बताए ।
