२५ जेठ २०८३, सोमबार
पहिरोले बेँसीसहर चामे सडक अवरुद्ध भएको छ । मर्स्याङदी गाउँपालिका–४ स्याँगेमा आज बिहान पहिरो जाँदा सडक अवरुद्ध भएको जिल्ला प्रहरी कार्यालयले जनाएको छ ।
प्रहरी निरीक्षक मेघनाथ चापागाईले ढुङ्गासहितको पहिरोले सडक अवरुद्ध भएको र सडक खुलाउन प्रहरी प्रस्थान गरिसकेको जानकारी दिए ।
सडकअन्तर्गत मनाङखण्ड भने यही १८ गते साँझदेखि अवरुद्ध रहँदै आएको छ ।
चामे गाउँपालिकास्थित तिमाङ खोलामा काठे पुल र नजिकै पक्की मोटरेवल पुल बाढीले बगाएपछि सवारी सञ्चालन हुन सकेको छैन ।
आवागमन रोकिँदा मनाङवासी समस्यामा परेका छन् ।
