वैज्ञानिकले गुगल अर्थ इमेजरीको मद्दतद्वारा साउदी अरबमा पत्थरको ४०० ढाँचा पत्ता लगाएका छन् । ती ढाँचालाई पहिले कुनै पनि दस्तावेजमा समावेश गरिएको पाइएको छैन । यी ढाँचालाई ‘गेट्स’ नामले चिनिँदै आएको छ ।
युनिभर्सिटी अफ वेस्टर्न अस्ट्रेलियामा अनुसन्धानकर्ता डेविड केनेडीले बताए अनुसार साउदी अरबलाई सुख्खा पहाड र रेगिस्तानका रुपमा हेर्ने गरिन्छ । तर यी स्थानमा धेरै सङ्ख्यामा पुरातात्विक स्थल पनि छन् । त्यस्ता स्थल अझै भेट्न बाँकी छ ।
केनेडीका अनुसार माथिबाट हेर्दा गेटजस्तो देखिने भएकाले यसलाई गेट भनिएको हो । अनुसन्धाताले यसलाई जनावरलाई फसाउनका लागि प्रयोग हुने जाल वा चिहान स्थल देखिन्छ । तर, यसको उद्देश्य के हो भन्ने पक्ष भने अझै रहस्य बनेको छ ।
