अमेरिकी राष्ट्रपति निर्वाचनका रिपब्लिकन उम्मेदवार डोनाल्ड ट्रम्प पुन: चुनावी अभियानमा सक्रिय हुन थालेका छन् । 

चुनावी अभियानको क्रममा सोमवार उनी ​मिलवाकी पुगेका हुन् । गोली लागेको कानमा उनले पट्टी बाँधेका छन् ।

आफूमाथि आक्रमण गरिए पनि विचलित नहुने ट्रम्पको प्रतिक्रिया छ । 

चुनावी अभियानका क्रममा आइतवार पेन्सिलभेनियाको सभामा भाषण गरिरहेको समयमा उनलाई लक्षित गरेर गोली प्रहार भएको थियो । कानका गोली लागेर अनुहारमा रगत लतपतिएका ट्रम्पले तत्कालै उठेर मुठ्ठी कसेका थिए । 

सन् २०२४ को नोभेम्बरमा हुने राष्ट्रपतीय चुनावका लागि डेमोक्र्याटबाट वर्तमान राष्ट्रपति जो बाइडेन र रिपब्लिकनबाट ट्रम्प चुनावी प्रतिस्पर्धामा छन् । 

यसैबीच ट्रम्पको अनुहारमा रगत देखिएको तस्वीर सहितका टिसर्ट बजारमा देखिन थालेका छन् ।

‘बुलेटप्रुफ’ लेखिएका टिसर्ट ट्रम्पका समर्थकले प्रयोग गरिरहेका छन् । गोलीकाण्ड भएको ४८ घण्टाभित्र अमेरिकी बजारमा ‘फाइट’ लेखिएका टिसर्ट बजारमा आएका हुन् ।