२१ जेठ २०८३, बिहीबार
काठमाडौं, ९ कात्तिक — उत्तर कोरियाका विदेशमन्त्रीले हालै प्रशान्त महासागरमाथि आणविक परीक्षण गर्न सकिने भनी दिएको धम्कीलाई गम्भीरतापूर्वक लिनुपर्ने प्योङयाङका एक अधिकारीले सीएनएनलाई बताएका छन् ।
‘विदेशमन्त्री हाम्रा सर्वोच्च नेताका उद्देश्यप्रति सचेत हुनुहुन्छ त्यसैले उहाँका शब्दलाई सिधा रूपमा बुझ्नुपर्छ,’ उत्तर कोरियाको विदेशमन्त्रालयका एक वरिष्ठ कूटनीतिज्ञ री योङ पिलले बुधवार बताए ।
विदेशमन्त्री री योङ होले अघिल्लो महिना प्योङयाङले अमेरिकासँगको तनाव बढ्दै जाँदा प्रशान्त महासागरमाथि हाइड्रोजन बम विस्फोट गराउनसक्ने बताएका थिए ।
अमेरिकालाई थर्काएमा उत्तर कोरियालाई पूरै नष्ट गर्ने भनी अमेरिकी राष्ट्रपति डोनल्ड ट्रम्पले चेतावनी दिएपछि उत्तरका विदेशमन्त्रीले उक्त टिप्पणी गरेका थिए ।
एजेन्सी
