१८ असार २०८३, बिहीबार
जनकपुर–जयनगर रेलको लिकमा पर्दा एक जनाले दुवै खुट्टा गुमाएका छन् ।
जनकनन्दनी गाउँपालिका–३ महुवाका अन्दाजी ३५ वर्षीय श्रीराम दासले रेल लिकमा परी दुवै खुट्टा गुमाएका हुन् ।
आज बिहान सवा ११ बजे धनुषाको खजुरीस्थित रेलको लिक छेउबाट हिँडिरहेको समयमा जयनगरबाट आइरहेको रेलले हर्न दिँदा उनी अल्मलिएर रेलकै लिकमा परेका थिए ।
लिकमा अल्झिएका उनले दुवै खुट्टा गुमाएका रेल विभागका प्रवक्ता प्रहरी नायब उपरीक्षक दयाराम पौडेलले जानकारी दिए ।
दासलाई उपचारका लागि तत्कालै जनकपुर प्रादेशिक अस्पताल जनकपुरमा भर्ना गरिएको थियो ।
