०७ साउन २०८३, बिहीबार
संघीय संसदको संसदीय सुनुवाइ समिति बैठक सोमवारका लागि बोलाइएको छ । बैठक बिहान साढे ११ बजे सिंहदरबारमा बस्नेगरी बोलाइएको संघीय संसदका महासचिव पद्मप्रसाद पाण्डेयले लोकान्तरलाई जानकारी दिए ।
बैठकले निर्वाचन आयोगको आयुक्तमा सिफारिस कृष्णमान प्रधानलाई अनुमोदन गर्ने वा नगर्नेबारे निर्णय गर्ने बताइएको छ ।
सिफारिस भएका प्रधानको संसदीय सुनुवाइ भइसकेको छ । अब सोमवार निर्णय हुने समितिका एक सदस्यले बताए ।
कानून समाजका कार्यकारी निर्देशक प्रधानमाथि कार्यालयमा कार्यरत महिलालाई जागिर लगाइदिने प्रलोभन दिएर यौन शोषण गरेको आरोप लागेको छ । ती महिलाले उनीविरुद्ध उजुरीसमेत दिएकी छिन् ।
