०३ साउन २०८३, आइतबार
नेपाली राष्ट्रिय क्रिकेट टोलीका कप्तान रोहितकुमार पौडेलले जीतबाट फ्रेन्चाइज टी–२० क्रिकेट लिगको शुरूवात गरेका छन् । क्यानडामा जारी ग्लोबल टी–२० लिगमा उनी आबद्ध टोरोन्टो नेसनल्सले जीत निकालेसँगै उनको डेब्यू सुखद बन्न पुगेको छ ।
आइतवार बिहान सम्पन्न खेलमा टोरोन्टोले ब्राम्पटन वुल्भ्सलाई आठ विकेटले पराजित गरेको गरेको हो । जारी लिगमा टोरोन्टोको यो लगातार दोस्रो जीत हो । प्रतियोगितामा ढिलो सहभागी भएका कारण रोहितले पहिलो खेल भने गुमाएका थिए ।
रोहित वुल्भ्सविरुद्ध प्लेइङ–११ मा रहे । तर उनले ब्याटिङ–बलिङको अवसर भने पाएनन् थिएनन् । यद्यपि फिल्डिङ भने उनले गज्जब गरे । उनले एक उत्कृष्ट रनआउट तथा एक शानदार क्याच लिएका थिए ।
विदेशी लिगमा रोहितको यो पहिलो खेल हो ।
जीतसँगै टोरोन्टो दुई खेलमा चार अंकका साथ शीर्ष स्थानमा छ ।
यसैगरी सन्दीप लामिछाने र दीपेन्द्रसिंह ऐरीसम्मिलित भ्यानकुभर नाइट्स भने बंगाल टाइगर्ससँग २२ रनले पराजित भएको छ । सन्दीपले दुई विकेट दिनका बाबजुद उनको टोली पराजित हुन पुग्यो ।
