१० साउन २०८३, आइतबार
पोखरामा स्कूल बस दुर्घटना हुँदा मृत्यु हुनेको संख्या २ पुगेको छ ।
जिल्ला प्रहरी कार्यालय कास्कीका अनुसार विद्यालयकी कार्यालय सहयोगी वर्ष ३३ की आरती बि.क र उनका ६ वर्षीय छोरा प्रिन्स विकको मृत्यु भएको हो ।
पोखरा- १७ बिरौटास्थित एलपी देवकोटा मेमोरियल इङ्लिस बोर्डिङ स्कूलको बस अनियन्त्रित भई सडकबाट ५० मिटर तल खसेको थियो ।
प्रहरीका अनुसार दुर्घटनामा २८ जना घाइते भएका छन् ।
उनीहरूको अवस्था मध्यम रहेको र पश्चिमाञ्चल क्षेत्रीय अस्पताल तथा मणिपाल शिक्षण अस्पतालमा उपचार भइरहेको प्रहरीले जनाएको छ ।
