०२ असार २०८३, मंगलबार
गोरखाको धार्चेमा गएको पहिरोमा बेपत्ता मध्ये ४ जनाको शव फेला परेको छ ।
आइतबार राति दुई बजे धार्चे गाउँपालिका–५ रेसेफाँटमा पहिरोले घर पुरिँदा उनीहरू बेपत्ता भएका थिए ।
हालसम्म घरधनी जीतबहादुर गुरुङ, उनकी पत्नी कान्छी गुरुङ, बुबा सुलाल कान्छा गुरुङ र धार्चे – ५ सिंग्लाका रमेश गुरुङको शव भेटिएको हो ।
ट्याक्टर चालक आरुपोखरीका रमेश परियार अझै भेटिएका छैनन् ।
नेपाली सेनालगायत अन्य सुरक्षा निकाय र स्थानीयले बेपत्ताहरूको खोजी गरेका थिए ।
सैनिक प्रवक्ता गौरवकुमार केसीले बेपत्ताको खोजी जारी रहेको जानकारी दिए ।
