आजदेखि मनसुन पुनः सक्रिय भएको छ । मनसुन सक्रिय भएसँगै देशभर पानी परिरहेको छ । हाल सातै प्रदेशमा हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ । 

काठमाडौं उपत्यकासहित देशका अधिकांश स्थानमा रातभर झरी परेको छ । गएराति १० बजेदेखि पर्न थालेको पानी अहिलेसम्म निरन्तर परिरहेको छ ।

निरन्तरको झरीले उपत्यकाका खोला तथा नदीमा जलसतह बढेको छ । 

आज दिउँसो पनि देशभर पानी पर्ने सम्भावना छ । दिउँसो देशका सबै प्रदेशमा मेघ गर्जन/चट्याङ्गसहित हल्कादेखि मध्यम वर्षाको सम्भावना रहेको महाशाखाले जनाएको छ ।