मनसुन पुनः सक्रिय भएसँगै काठमाडौंका सडक जलमग्न बनेका छन् ।

निरन्तरको वर्षाले सडक जलमग्न बनेपछि सवारी आवागमनसँगै पैदल यात्रीलाई हिँड्नसमेत असहज भएको छ ।

हाल सातै प्रदेशमा हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ ।​

लगातारको झरीले काठमाडौंका विभिन्न स्थानका सडक जलमग्न भएपछि सर्वसाधारण र सवारीसाधनलाई आवतजावतमा कठिनाइ भएको थियो ।

विशेषगरी काठमाडौंको कलङ्की, कालीमाटी, त्रिपुरेश्वर, पुतलीसडक, जमल थापाथली, माइतीघर, बबरमहल, नयाँ बानेश्वर, तीनकुने कोटेश्वर तथा ललितपुरका बालकुमारी, ग्वार्को, सातदोबाटो, कुपण्डोल, पुल्चोकलगायत क्षेत्रमा अत्यधिक जाम भएको ट्राफिक प्रहरीले जनाएको छ ।

वर्षाले सडक र चोकमा सर्वसाधारणको भीड देखिन्थ्यो भने दुई पाङ्ग्रे सवारीसाधनका यात्रु बढी मर्कामा परेका छन् ।

तस्वीरहरू

​