२१ असार २०८३, आइतबार
गत ९ साउनमा काठमाडौंमा सौर्य एयरलायन्सको जहाज दुर्घटना भएको दुई हप्तालगत्तै फेरि अर्को हवाई दुर्घटना भएको छ ।
काठमाडौंबाट रसुवाको स्याफ्रुबेसी उडेको एयर डाइनेस्टीको हेलिकप्टर नुवाकोटको शिवपुरीमा दुर्घटनामा परेको हो ।
हेलिकप्टरमा ४ यात्रु र क्याप्टेन अरुण मल्लसहित ५ जना रहेको हेलिकोप्टर दुर्घटनामा परेको जानकारी त्रिभुवन विमानस्थल स्रोतले लोकान्तरलाई दियो । दुर्घटनामा पाँचै जनाको मृत्यु भइसकेको छ ।
१५ दिनअघि मात्र काठमाडौंको त्रिभुवन अन्तर्राष्ट्रिय विमानस्थलबाट पोखराका लागि उडान भरेलगत्तै सौर्यको जहाज एयरपोर्ट परिसरमै दुर्घटनामा पर्दा १८ जनाको ज्यान गएको थियो ।
सो जहाज उडाउने पाइलट मनीषरत्न शाक्यको भने जीवितै उद्धार भएको थियो ।
