नेपालको दुई दिने भ्रमणका क्रममा आएका भारतका विदेश सचिव विक्रम मिस्रीले भारतीय सहयोगमा बनेको नेपाल भाषा परिषद्को नवनिर्मित भवनको उद्‌घाटन गरेका छन् । 

आइतबार बिहान त्रिभुवन अन्तर्राष्ट्रिय विमानस्थल ओर्लिएका मिस्रीले उच्चस्तरीय भेटघाट पूर्व नरदेवीस्थित नेपाल भाषा परिषद्को नयाँ भवनको उद्‌घाटन एवं अवलोकन गरेका हुन् । ​

परराष्ट्र सचिव सेवा लम्सालको निमन्त्रणामा काठमाडौं आएका मिस्रीले २ बजेर ४५ मिनेटमा राष्ट्रपति रामचन्द्र पौडेल र ३: ३० बजे प्रधानमन्त्री केपी शर्मा ओलीसँग भेटवार्ता गर्ने कार्यतालिका रहेको परराष्ट्र मन्त्रालयका प्रवक्ता अमृतबहादुर राईले लोकान्तरलाई जानकारी दिए ।

सोमबार बिहान ११:४५ मा उनले परराष्ट्रमन्त्री डा. आरजु राणा देउवासँग भेट गर्ने कार्यक्रम रहेको छ । 

उनी सोमबार साँझ स्वदेश फर्किने छन् ।