नेपालको दुई दिने भ्रमणमा रहेका भारतका विदेश सचिव विक्रम मिस्रीले प्रधानमन्त्री केपी शर्मा ओलीसँग शिष्टाचार भेट गरेका छन् ।

आइतबार बिहान नेपाल आएका मिस्रीले दिउँसो ओलीसँग भेटवार्ता गरेका हुन् ।

कांग्रेस–एमाले गठबन्धन सहित ओली प्रधानमन्त्री भएपछि नेपाल भ्रमण गर्ने मिस्री उच्च भारतीय अधिकारी हुन् । 

यसअघि उनले नरदेवीस्थित नेपाल भाषा परिषद्को नयाँ भवनको उद्‌घाटन एवं अवलोकन गरेका थिए ।

सोमबार बिहान उनले परराष्ट्रमन्त्री डा. आरजु राणा देउवासँग भेट गर्ने कार्यक्रम रहेको छ । 

उनी सोमबार साँझ स्वदेश फर्किने छन् ।