१३ असार २०८३, शनिबार
इंग्लिस प्रिमियर लिगमा लिभरपुल र आर्सनलले विजयी शुरूआत गरेका छन् । पहिलो खेलमा लिभरपुलले नवप्रवेशी इपस्विपलाई तथा अर्को खेलमा आर्सनलले उल्भ्सलाई हराएर विजयी शुरूआत गरेका हुन् ।
इपस्विपको घरेलु मैदानमा भएको खेलमा लिभरपुलले इपस्विपलाई २-० ले हरायो । लिभरपुलका लागि डियगो जोटा र मोहम्मद सलाहले समान एक/एक गोल गरे । डियगोले ६० औं र सलाहले ६५ औं मिनेटमा गोल गरेका हु्न् । त्यसपछि थप गोल निस्कन सकेन ।
यस्तै, आर्सनलले उल्भ्सलाई पनि २-० ले हरायो । इमिरेट्स रंगशालामा आर्सनललाई जित दिलाउन काइ हार्भट्ज र बुकायो साकाले गोल गरे । खेलको २५औं मिनेटमा हार्भट्जको गोलमार्फत् आर्सनलले अग्रता लिएको थियो । उनले साकाको पासलाई पोस्टको दिशा दिए ।
साकाले ७४औं मिनेटमा हार्भट्जको पासलाई सदुपयोग गर्दै आर्सनललाई सहज जित दिलाए ।
जितसँगै लिभरपुल र आर्सनलले समान तीन अंक जोडेका छन् ।
