संखुवासभा, १२ कात्तिक- चैनपुर नगरपालिका–६ चैनपुरबजारमा सहाराबिना बसिरहेकी ललिता श्रेष्ठ चुलोमा खाना पकाउने क्रममा आज बिहान शरीर जलेर सख्त घाइते भएकी छन् ।
अन्दाजी ८५ वर्षीया श्रेष्ठलाई हाल प्राथमिक स्वास्थ्य केन्द्र चैनपुरमा प्राथमिक उपचार भए पनि उनको स्वास्थ्य अवस्था चिन्ताजनक रहेको प्राथमिक स्वास्थ्य केन्द्र चैनपुरले जनाएको छ ।
घरमा तरकारी पकाइरहेको अवस्थामा आगो अचानक शरीरमा सल्कँदा शरीरका सबै भाग जलेर उनी सख्त घाइते भएकी हुन् ।
