१२ साउन २०८३, मंगलबार
नेपाल स्टक एक्सचेन्ज (नेप्से) परिसूचक झिनो अंकले बढेर बन्द भएको छ ।
बुधवार नेप्से परिसूचक तीव्र उतारचढावपछि २.१ अंकले बढेर २९६८.४४ को बिन्दुमा अडिएको हो । यस दिन बजारमा ४ करोड १४ लाख ५४ हजार ६११ कित्ता शेयरको खरिदबिक्री हुँदा १८ अर्ब ९० करोड ६३ लाख ७३ हजार रुपैयाँको कारोबार भएको छ ।
अघिल्लो कारोबार दिन आइतबार मात्रै ३४ अंकले घटेको शेयर बजारमा २८ अर्ब २७ करोड रुपैयाँको कारोबार भएको थियो । त्यसयता सोमबार र मंगलवार शेयर बजारको कारोबार बन्द रहेको थियो ।
बुधवार कर्पोरेट डेभलपमेन्ट बैंक, सिन्धु विकास बैंक, रिलायन्स फाइनान्स र डोल्टी पावर कम्पनीको शेयर १० प्रतिशतले बढेको छ ।
यी कम्पनीका लगानीकर्ताहरूले सर्वाधिक नाफा कमाएका छन् । त्यस्तै, कर्णाली डेभलपमेन्ट बैंकको शेयर मूल्य १० प्रतिशतले घटेको छ ।
कारोबारका आधारमा हिमालयन रिइन्स्योरेन्स ६६ करोड २ लाख ३९ हजार रुपैयाँको कारोबारका साथ शीर्ष स्थानमा रहेको छ ।
त्यस्तै, उपसमूहतर्फ ५ वटा बढ्दा ७ वटा उपसमूहमा गिरावट देखिएको छ ।
