ओमानका विदेशमन्त्री सैयद बदर बिन हमद अल बुसैदी सोमवार नेपाल आएका छन् ।

सोमवार अपरान्ह त्रिभुवन अन्तर्राष्ट्रिय विमानस्थलमा ओर्लेका उनलाई परराष्ट्र सचिव सेवा लम्सालले स्वागत गरेकी छन् । 

विदेशमन्त्री बुसैदी परराष्ट्रमन्त्री आरजु देउवा राणाको निमन्त्रणामा दुई दिने भ्रमणका लागि काठमाडौं आएका हुन् ।

उनको नेपाल भ्रमणका क्रममा दुई देशको आपसी हितबारे छलफल हुने परराष्ट्र मन्त्रालयको भनाइ छ ।

विदेशमन्त्री बुसैदीले राष्ट्रपति र प्रधानमन्त्रीसँग पनि भेटवार्ता गर्ने कार्यतालिका रहेको छ ।