०५ असार २०८३, शुक्रबार
रुपन्देहीको तिलोत्तमामा लेनदेनको विषयमा आपसी विवादका बीच दुर्गा प्रसाईंको समर्थक बताउने एक समूहले मंगलबार प्रदर्शन गरेका छन् ।
तिलोत्तमा–३ स्थित स्थानीय विमलाकुमारी श्रेष्ठले बिक्री गरिसकेको घर पुनः विमलाले नै पाउनु पर्ने भन्दै उनीहरूले विरोध प्रदर्शन गरेका हुन् ।
यद्यपि उक्त घर जग्गा २०७४ साल असार १६ गते पीडित भनिएकी विमला कुमारीले पशुपति घिमिरेकी श्रीमती राधादेवी पौडेल (घिमिरे)लाई बिक्री गरेको देखिन्छ ।
उक्त समय विमलाले घर बिक्री गरेको नभई बन्दगीका रूपमा दिएका कारण पुनः फिर्ता मागेको उल्लेख दाबी गरेकी छन् ।
घर फिर्ता गर्नुपर्ने पक्षमा नारा लगाउँदै दुर्गा प्रसाईं समर्थकहरूले जस्तोसुकै कदम चाल्न तयार हुने चेतावनी दिएका छन् ।
सोही घरमा कार्यालय स्थापना गर्ने घोषणासहित विमलाको पक्षमा लड्ने प्रतिवद्धता गरिएको प्रसाईं समर्थक संस्था राष्ट्र, राष्ट्रियता, धर्म संस्कृति र नागरिक बचाउ महाअभियानका जिल्ला संयोजक शंकर कोइरालाले बताए ।
उक्त घर जग्गा ७ वर्ष अगाडि नै खरिद गरेका पशुपति घिमिरेले प्रशासनको सहयोगमा खाली गराउन खोज्दा प्रसाईं समर्थक बताउने समूहले रोकेका हुन् ।
यद्यपि घिमिरले ७ वर्षअघि नै उक्त घर जग्गा खरिद गरेका कारण उनकै हुने जिल्ला अदालत रुपन्देही र उच्च अदालत बुटवलले समेत फैसला गरेको छ ।
