२८ जेठ २०८३, बिहीबार
विगत तीन दिनदेखि परेको अविरल वर्षाका कारण भारतको गुजरातका धेरै क्षेत्र जलमग्न भएका छन् । सौराष्ट्र र मध्य गुजरातमा ४८ घण्टादेखि परेको अविरल वर्षाका कारण धेरै गाउँ र शहर डुबानमा परेको भारतीय सञ्चार माध्यमहरूले जनाएका छन् ।
बाढीबाट वडोदरा शहर सबैभन्दा बढी प्रभावित भएको छ। स्वास्थ्यमन्त्री तथा सरकारका प्रवक्ता रुषिकेश पटेलले केही क्षेत्रमा १० देखि १२ फिटसम्म पानी भरिएको बताए ।
हिन्दुस्तान टाइम्सका अनुसार गुजरातमा विगत तीन दिनमा भारी वर्षा र बाढीका कारण २८ जनाको ज्यान गएको छ । करिब ४० हजार मानिसलाई सुरक्षित स्थानमा सारिएको छ ।
समाचार एजेन्सी पीटीआईका अनुसार गुजरातमा भारी वर्षाका कारण दुई दिनमा कुल १६ जनाको मृत्यु भएको छ ।
