१९ असार २०८३, शुक्रबार
ब्राजिलले सोसल मिडिया प्लेटफर्म एक्स (पहिले ट्विटर)लाई प्रतिबन्ध लगाएको छ। ब्राजिलको सर्वोच्च अदालतको फैसलापछि एक्समा प्रतिबन्ध लगाइएको हो ।
एक्सले म्यादभन्दा पहिले ब्राजिलमा आफ्नो कानूनी प्रतिनिधि नियुक्त गर्न असफल भएको थियो।
गत अप्रिलमा एक्सले गलत सूचना प्रवाह गरेको भन्दै अदालतमा मुद्दा परेको थियो । यो मुद्दामा सुनुवाई गर्दै अदालतले दर्जनौँ एक्स अकाउन्ट बन्द गराउन आदेश दिएको थियो ।
अदालतले ब्राजिलभित्र एप्पलको एप स्टोर तथा गुगल प्लेस्टोरबाट समेत एप्लीकेशन हटाउन सम्बन्धित कम्पनीहरूलाई निर्देशन दिएको छ । यस्तै कसैले भर्चुअल प्राइभेट नेटवर्क अर्थात् भीपीएन प्रयोग गरेर चलाएको पाइएमा ५० हजार डलर जरिवाना गर्न आदेश गरेको छ ।
