जाडो मौषममा चिसोका कारण बालबालिका, वृद्धवृद्धा र सुत्केरी तथा गर्भवती महिलाहरुले बढी सास्ती खेप्नुपर्ने हुन्छ । जाडो मौसममा जन्मने शिशुहरुमा शरीरको तापक्रम कम हुने र चिसो लाग्ने सम्भावना बढी हुने चिकित्सकहरु बताउँछन् । चिसोका कारण बच्चाहरुमा इन्फेक्सन हुन सक्ने प्रसूति गृह, थापाथलीका डा. शैलेन्द्रवीर कर्माचार्यले बताए ।

उनका अनुसार जाडोमा जन्मने बच्चाहरुमा यस्तो समस्या देखिन सक्छन्,

चिसो हुन सक्छ ।
सुगरको मात्रा कम हन सक्छ ।
इन्फेक्सन हुन सक्छ ।
निमोनिया हुन सक्छ ।

ठूला बच्चाहरुमा देखिने समस्या
रुघाखोकी लाग्ने ।
झाडापखला हुने ।
निमोनिया हुने ।

नवजात शिशुको हेरचाह कसरी गर्ने ?
चिसोबाट शिशुलाई जोगाउने ।
न्यानो कपडाहरु लगाइदिने ।
घाममा खाख्ने ।
शरीर तथा टाउकोमा तेल लगाइदिने ।
सुत्केरी महिला र शिशुलाई घाम लाग्ने कोठामा राख्ने ।
नियमित आमाको दुध चुसाउने ।

गर्भवती तथा सुत्केरी महिलाले ध्यान दिनुपर्ने कुरा
चिसोबाट जोगिने ।
चिसो खानेकुरा नखाने ।
पोषिलो र झोलिलो खाना नियमित खाने ।
मासु, अण्डा, गेडागुडी खानुपर्छ ।
घर बाहिर निस्किँदा बाक्लो र न्यानो लुगा लगाउने ।

जाडोको समयमा यस्तो गर्नु हुँदैन
बच्चा, गर्भवती तथा सुत्केरी महिलाले सर्दी (चिसो) लाग्ने खानेकुरा खानु हुँदैन ।
तातो बानाउने भनेर रुपमा धुँवा आउने गरी आगो बाल्नु हुदैन ।
बच्चाको आँखा, नाक, कान, पिसाव गर्ने अंगमा तेल लगाउनु हुँदैन ।
चिसो कोठामा बस्नु हुँदैन ।
चिया अत्याधिक पिउनु हुँदैन ।
शरीरमा पाउडर लगाउनु हुँदैन ।