राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले सरकारको आलोचना गर्नेमाथि धरपकड नगर्न प्रधानमन्त्री केपी शर्मा ओलीलाई सुझाव दिएका छन् । अहिलेको सरकार र व्यवस्थाप्रति जनताले चित्त नबुझाएको दाबी गर्दै उनले यस्तो सुझाव दिएका हुन् । 

मंगलवार प्रतिनिधिसभा बैठकको विशेष समयमा लिङ्देनले सरकारको विरोध गर्नेलाई धरपकड गरेर समस्या समाधान हुन नसक्ने बताए ।  

‘विरोध गर्नेमाथि टुँडिखेलमा धरपकडका प्रयास भए । सरकारको नेतृत्वलाई भन्न चाहन्छु, यो शुभ संकेत होइन,’ उनले भने, ‘जनताको आवाजलाई स्वीकार गर्नुस्, अहिलेको सरकार र व्यवस्थामा चित्त बुझाइराखेका छैनन् भनेर । तपाईंहरू सच्चिनुस् ।’