०९ साउन २०८३, शनिबार
राष्ट्रिय ध्वजाबाहक नेपाल वायुसेवा निगम (नेपाल एयरलाइन्स)को वाइडबडी ए–३३० विमान मर्मतपछि आज काठमाडौं आइपुगेको छ ।
गत असार ८ मा विमानको विस्तृत परीक्षण (सी–चेक)का लागि इटाली गएको एन एएलवाई कलसाइनको विमान करिब साढे दुई महिनापछि आज बिहान त्रिभुवन अन्तर्राष्ट्रिय विमानस्थलमा अवतरण गरेको हो ।
निगमका प्रवक्ता रमेश पौडेलका अनुसार निगमको ए–३३० (अन्नपूर्ण) विमान आज बिहान ८ बजेर ३६ मिनेटमा काठमाडौं अवतरण गरेको छ ।
मर्मतपछि नेपाल आएसँगै विमानले जापानलगायत लामो दूरीका उडानमार्फत् यात्रुलाई थप सेवा दिने निगमको विश्वास छ।
निगमको अर्को वाइड बडी विमान पनि सी–चेकका लागि इटाली गएको छ । निगमले २२ जुन (असार ८)मा इटलीमा मर्मतका लागि पठाएको थियो ।
निगमसँग अन्तर्राष्ट्रिय उडानमा रहेका चार एयर बसमध्ये हाल दुई न्यारोबडी मात्रै उडानमा थिए ।
एक वाइडबडी थपिएपछि अब तीन विमानमार्फत् अन्तर्राष्ट्रिय उडान हुने निगमले उल्लेख गरेको छ ।
