सिन्धुपाल्चोकको भोटेकोशी नदीमा गाडी खसेको आशंकापछि प्रहरीले खोजी कार्य शुरू गरेको छ । 

शुक्रबार दिउँसो बाह्रबिसे नगरपालिका–६ बरन्डा टोलस्थित सडकबाट गाडी भोटेकोशी नदीमा खसेको आशंका गरिएको छ।

जिल्ला प्रहरी कार्यालय सिन्धुपाल्चोकका प्रवक्ता डीएसपी निरञ्जन भट्टराईका अनुसार बोलेरो गाडी खसेको आशंका छ ।

स्थानीयले दुई वटा टायर देखेको भनेर खबर गरेपछि प्रहरी घटनास्थलमा खटिएको उनले जानकारी दिए ।

भारी वर्षाका कारण भोटेकोशीको बहाव बढेको छ । 

गाडी खोजीका लागि नेपाली सेना, नेपाल प्रहरी र सशस्त्र प्रहरीको टोली घटनास्थलमा खटिएको भट्टराईले जानकारी दिए ।

क्रेनको सहयोगमा गाडीको खोजी कार्य भइरहेको छ ।