०९ असार २०८३, मंगलबार
सिन्धुपाल्चोकको भोटेकोशी नदीमा खसेको गाडी सुरक्षा टोलीले निकालेको छ । बा २० च २१८५ नम्बरको बोलेरो गाडी शुक्रवार साँझ नदीबाट निकालिएको हो ।
बाह्रबीसे नगरपालिका–६ स्थित भोटेकोशी नदीमा शुक्रवार दिउँसाे गाडी खसेको थियो ।
नेपाल प्रहरी, सशस्त्र प्रहरी र नेपाली सेनाको टोलीले क्रेनको सहायताले उक्त बोलेरो नदीबाट बाहिर निकालेको सिन्धुपाल्चोकका एसपी सन्तोष खड्काले लोकान्तरलाई जानकारी दिए ।
उक्त बोलेरो कहाँबाट कता गएको, कसले चलाएको, गाडीको को–को सवार थिए भन्ने विषय खुल्न बाँकी रहेको उनले बताए । ‘गाडीको कागजपत्र भेटिए पनि चालकलगायत यात्रुको अवस्था अज्ञात छ । खोजी कार्य जारी छ,’ उनले भने, ‘निजी गाडी भएकाले धेरै यात्रु थिएनन् कि भन्ने अनुमान छ ।’
स्थानीयले दुईवटा टायर देखेको भनेर खबर गरेपछि प्रहरी घटनास्थलमा खटिएको थियो ।
भारी वर्षाका कारण भोटेकोशीको बहाव बढेको छ । यसले गर्दा खोजी कार्यमा समस्या आएको प्रहरीको भनाइ छ ।
