काठमाडौं उपत्यकाको खोला किनारामा थप २० मिटर क्षेत्रमा पूर्वाधार निर्माण गर्न नपाइने सर्वोच्च अदालतको फैसलाविरुद्ध स्थानीयले काठमाडौंमा प्रदर्शन गरेका छन् ।

राजेन्द्र महतो नेतृत्वको राष्ट्रिय मुक्ति क्रान्ति पार्टी र खोला नदी मापदण्ड पीडित संघर्ष समितिले बिहीवार काठमाडौंमा प्रदर्शन गरेका हुन् ।

काठमाडौंको माइतीघरमा भेला भएर उनीहरूले कालो ब्यानरसहित प्रदर्शन गरेका हुन् ।

सर्वोच्चको २०८० पुस ३ गतेको फैसला खारेजीको माग गर्दै यसअघि पनि पीडितहरूले आन्दोलन गरेका थिए ।

‘जनतालाई उठिबास लगाउन पाइँदैन, सडक र खोलाको मापदण्ड खारेज गर’ जस्ता नारा उनीहरूले लगाएका छन् ।

पीडितहरूले सर्वोच्चको पछिल्लो फैसला कार्यान्वयन भए उपत्यकाका नदी किनाराका ५० हजारभन्दा बढी परिवार प्रभावित हुने बताएका छन् ।

सर्वोच्चको फैसलाविरुद्ध सरकार पुनरावेदनमा गइसकेको छ ।

थप तस्वीरः

​