बुटवलको सुप्रिम सहकारी संस्थाका पूर्वसचिवसमेत रहेका नेकपा (माओवादी केन्द्र)का कार्यकर्ता दीपेश पुनले सहकारी ठगीमा इन्कारी बयान दिएका छन् । उनी सचिव रहेको समयमा सुप्रिम सहकारीबाट गोरखा मिडियामा ३ करोड ३० लाख रुपैयाँ ऋण गएको थियो । 

सहकारी ठगी छानबिन समितिको प्रतिवेदनमा समावेश उनको बयानमा उनले अधिकांश प्रश्नको जवाफ ‘मलाई थाहा छैन’ भनेर दिएका छन् । सहकारीका अध्यक्ष जीबी राईसँग आदिवासी–जनजातिको कार्यक्रममा भेट भएर चिनजान भएको उनले बयानमा भनेका छन् । 

पूर्वउपराष्ट्रपति नन्दबहादुर पुनका छोरा दीपेशसँग समितिले साउन ३२ गते बयान लिएको थियो । दीपेशले आफ्नो जानकारीबिना सचिव राखिएको र पछि आफूले राजीनामा दिएको उनले उल्लेख गरेका छन् ।