गण्डकी प्रदेश जिम्न्याष्टिक सङ्घको प्रथम अधिवेशनले योगेन्द्र गुरुङको अध्यक्षतामा  नयाँ कार्यसमिति निर्विरोध निर्वाचित गरेको छ ।

 समितिको उपाध्यक्षमा राजु केसी, महासचिवमा प्रकाशचन्द्र सापकोटा, कोषाध्यक्षमा राजु कायस्थ, सचिवमा श्रीष गुरुङ र सहकोषाध्यक्षमा सीता काफ्ले रेग्मी छन् । 

समितिका सदस्यहरूमा थमन थापा, मनिष श्रेष्ठ, विनोद गुरुङ, रवीन्द्र तझ्या, विक्रम केसी, निरु भट्टराई, समीक्षा बुढाथोकी, विशाल पुन र दिलीप गुरुङ रहेका छन् । 

त्यस्तै, कास्की जिल्ला जिम्न्याष्टिक सङ्घको विशेष साधारणसभाले सोमबहादुर साईको अध्यक्षतामा नयाँ कार्यसमिति निर्विरोध चयन गरेको छ । समितिको उपाध्यक्षमा लक्ष्मण आचार्य, महिला उपाध्यक्षमा एनशोभा गुरुङ, सचिवमा गौतम चौधरी, कोषाध्यक्षमा सुवर्णराज पन्त र सहकोषाध्यक्षमा सरस्वती साई रहेका छन् । 
समितिका सदस्यहरूमा रोशन पुन, सेजल जोजिजु, मीनबहादुर थापा, अंशु शेर्पा, दीपेश राना, रामबहादुर क्षेत्री, कमला गुरुङ र बालकुमारी गुरुङ चयन भएका छन् । निर्वाचित पदाधिकारी तथा सदस्यलाई निर्वाचन समितिका संयोजक एवम् गण्डकी प्रदेश जिम्न्याष्टिक सङ्घका सल्लाहकार केशवशरण पौडेल, गण्डकी प्रदेश खेलकुद परिषद् गण्डकीका सदस्य केशव पाठक र जिल्ला खेलकुद विकास समिति कास्कीका सदस्य राजन वड्गामीले सदस्यहरूलाई शपथ खुवाए ।