२५ जेठ २०८३, सोमबार
यातायात व्यवस्था विभागका सूचना प्रविधि निर्देशक मुकेश रेग्मीले सरुवा भएको दुई साता हुन लाग्दा पनि रवाना बुझ्न मानेका छैनन् ।
गत भदौ २७ गते संघीय मामिला तथा सामान्य प्रशासन मन्त्रालयले निर्देशक रेग्मीको सञ्चार तथा सूचना प्रविधि मन्त्रालयमा सरुवा गरेको थियो ।
तर, उनले रवाना बुझेर सरुवा भएको ठाउँमा जानुको साटो विभागमै बसेर चलखेल गरिरहेको विभागका कर्मचारीहरू बताउँछन् ।
विभागका महानिर्देशक उद्धव रिजाल भने सरुवा भएको ठाउँमा हाजिर भइसकेका छन् । रिजालको ठाउँमा सरुवा भएर आएका महानिर्देशक राजीव पोखरेलले कार्यभारसमेत सम्हालिसकेका छन् ।
तर, उपसचिव रेग्मीले भने रवाना नै बुझ्न नमानेको कर्मचारीहरू बताउँछन् ।
