२२ जेठ २०८३, शुक्रबार
नेपालको विदेशी विनिमय सञ्चिति २० खर्ब ९२ अर्ब पुगेको छ ।
चालू आर्थिक वर्ष २०८१/८२ को पहिलो महिनामा देशको कुल विदेशी विनिमय सञ्चिति २.५ प्रतिशतले बढेर २० खर्ब ९२ अर्ब पुगेको हो ।
नेपाल राष्ट्र बैंकले सार्वजनिक गरेको ‘देशको वर्तमान आर्थिक तथा वित्तीय स्थिति’को तथ्याङ्कले कुल विदेशी विनिमय सञ्चिति मध्ये नेपाल राष्ट्र बैंकमा १८ खर्ब ८३ अर्ब ४२ करोड पुगेको छ ।
त्यस्तै, बैंक तथा वित्तीय संस्था (नेपाल राष्ट्र बैंकबाहेक)सँग रहेको विदेशी विनिमय सञ्चिति ८.४ प्रतिशतले वृद्धि भई २ खर्ब ८ अर्ब ७९ करोड पुगेको छ ।
चालू आर्थिक वर्षको पहिलो महिनाको आयातलाई आधार मान्दा बैंकिङ क्षेत्रसँग रहेको विदेशी विनिमय सञ्चितिले १६.७ महिनाको वस्तु आयात र १३.५ महिनाको वस्तु तथा सेवा आयात धान्न पर्याप्त रहने राष्ट्र बैंकले जनाएको छ ।
