०२ असार २०८३, मंगलबार
ललितपुरको नखिपोटस्थित नख्खु खोलाले बगाउँदा चार जना बेपत्ता भएका छन् ।
आज बिहान सवा ९ बजतिर ललितपुर महानगरपालिका-४ स्थित कान्तिपुर कोलोनीमा खोलाले बगाउँदा उनीहरू बेपत्ता भएको सशस्त्र प्रहरीका सहप्रवक्ता डीएसपी शैलेन्द्र थापाले जानकारी दिए ।
उनका अनुसार बेपत्ता हुनेमा एक महिला, दुई पुरुष र एक बच्चा रहेका छन् ।
उनीहरूको खोजी भइरहेको डीएसपी थापाले बताए ।
यसअघि आजै बिहान बल्खु खोला किनारमा एउटा शव फेला परेको थियो । शवको सनाखत भएको छैन ।
