२२ असार २०८३, सोमबार
बिहीबार रातिदेखिको अविरल वर्षाका कारण आएको बाढी/पहिरोमा परी देशभरमा १९ जनाको मृत्यु भएको छ ।
शनिबार दिउँसो १ बजेसम्मको तथ्यांकअनुसार १९ जनाको मृत्यु तथा ४० जना बेपत्ता भएको सशस्त्र प्रहरी बलका सह–प्रवक्ता डीएसपी शैलेन्द्र थापाले जानकारी दिए ।
काभ्रेमा ६, पाँचथर र भक्तपुरमा समान ३, सिन्धुपाल्चोक र धनकुटामा २/२ तथा काठमाडौं, ललितपुर र धादिङमा १/१ जनाको मृत्यु भएको थापाले जानकारी दिए ।
उनका अनुसार काभ्रेमा १०, मकवानपुरमा ६, पाँचथरमा ५, ललितपुर, भक्तपुर, काठमाडौं र झापामा ४/४ तथा धादिङमा ३ जना बेपत्ता भएका छन् ।
बाढी पहिरोले १८५ घरमा क्षति पुगेको छ भने १०७२ जनाको सकुशल उद्धार गरिएको छ । बाढीपहिरो पीडितको उद्धारमा १८३५ सशस्त्र प्रहरी परिचालन भएका छन् ।
