इरानको इस्लामिक रिभोलुसनरी गार्डले इजरायलमा आक्रमण भएको पुष्टि गरेको छ । इजरायलतर्फ मिसाइलहरु प्रहार गरिएको  सरकारी टेलिभिजनमा एक विज्ञप्ति जारी गर्दै रिभोलुसनरी गार्डले विज्ञप्तिमा उल्लेख गरेको छ । 

इजरायलले जवाफी कारबाही गरे थप मिसाइल प्रहार गर्ने धम्की पनि इरानले दिएको छ । शक्तिशाली मानिने इरानी रिभोल्युसनरी गार्ड्सले हमास नेता इस्माइल हानिया, हिजबुल्लाह नेता हसन नसरल्लाहको मृत्युका साथै लेबनान र प्यालेस्टाइनका जनताको मृत्युको जहाफमा यी आक्रमणहरू गरिएको बताएको छ।

हमलाका क्रममा इजरायलका महत्त्वपूर्ण लक्ष्यहरूलाई निशाना बनाइएको  विज्ञप्तिमा उल्लेख गरिएको छ । इजरायलमाथि इरानले हमला गरेपछि विश्वभर तरंग छाएको छ ।