२६ जेठ २०८३, मंगलबार
मंगलवार खेलाडी जीवनबाट सन्यासको घोषणा गरेका स्पेनका लिजेन्ड फूटबलर आन्द्रेस इनियस्टाबारे सामाजिक सञ्जालमा विभिन्न चर्चा भइरहेको छ । झण्डै २३ वर्षे खेल जीवनमा उनका विभिन्न पाटाबारे चर्चा भइरहेको हो ।
त्यसो त इनियस्टामाथि चर्चा गर्ने धेरै नै विषय छन् । यसमध्ये उनी अनुशासित खेलाडी भएको चर्चा अहिले अलि बढी नै भइरहेको छ । हुन पनि उनले आफ्नो करिअरमा १ हजार १६ खेल खेले तर एउटा पनि रातो (रेड) कार्ड पाएनन् । यो फूटबलमा दुर्लभमध्येको एक कीर्तिमान हो
स्पेनले पहिलोपटक विश्वकप फूटबलको उपाधि जित्दा इनियस्टाले नै एकमात्र विजयी गोल गरेका थिए । यो उनका लागि एउटा अविष्मरणीय क्षण हो ।
इनियस्टाले करिअरमा एक विश्वकप, दुई युरोकप, चार च्याम्पियन्स लिगसँगै थुप्रै उपाधि जिते । उनले स्पेन राष्ट्रिय टोलीका लागि १३१ खेल खेल्दै १३ गोल गरेका छन् ।
इनियस्टाले जितेका चारवटै च्याम्पियन्स लिगका उपाधि बार्सिलोनामा रहँदा सम्भव भएका थिए । उनी बार्सिलोकाका पूर्वकप्तानसमेत हुन् ।
इनियस्टाले पछिल्लो समय यूएईको इमिरेट्स क्लबबाट खेलेका थिए ।
