बुटवलबाट गुल्मीको शान्तिपुर जाँदै गरेको यात्रुबहाक जीप बुधबार दिउँसो गुल्मी रुद्रवेणीमा दुर्घटनामा हुँदा १५ जना घाइते भएका छन् । 

सत्यवती गाउँपालिका–१ रुद्रवेणी नजिकै लु १ ज २०८८ नम्बरको जीप दुर्घटनामा पर्दा १५ जना घाइते भएका हुन् भने एक जनाको अवस्था गम्भीर छ ।

राजमार्ग सुरक्षा तथा ट्राफिक व्यवस्थापन कार्यालय बुटवलका प्रहरी सहायक निरीक्षक कृष्ण सुनारका अनुसार घाइतेमध्ये १ जनाकोको अवस्था गम्भीर, ११ जना मध्यम र ३ जना सामान्य रहेका छन् ।

घटनामा बाग्लुङको बरेङ गाउँपालिका–३ का ४० वर्षीय खड्कबहादुर क्षेत्रीको अवस्था गम्भीर रहेको प्रहरीले जनाएको छ । दुर्घटनाका घाइते सबैको पाल्पास्थित लुम्बिनी मेडिकल कलेज प्रभासमा उपचारका लागि रिफर गरिएको छ ।