२५ जेठ २०८३, सोमबार
पृथ्वी राजमार्गअन्तर्गत धादिङको गजुरी गाउँपालिका–६ बन्छेटारमा दुई वटा बस एक-आपसमा ठोक्किँदा १३ जना घाइते भएका छन् ।
काठमाडौंबाट गोरखातर्फ जाँदै गरेको बा ४ ख ४४७६ नम्बरको बस तथा चितवनबाट काठमाडौंतर्फ आउँदै गरेको बा ५ ख ३४९५ नम्बरको बस एकआपसमा ठोक्किएका हुन् ।
घाइतेलाई उपचारका लागि आदमघाट र गजुरीका स्वास्थ्य संस्थामा लगिएको जिल्ला प्रहरी कार्यालयका प्रवक्ता प्रल्हाद सिलवालले जानकारी दिए ।
दुर्घटनाग्रस्त बस सडकबाट पन्छाएर अवरुद्ध यातायात पुनः सञ्चालन गर्ने प्रयास भइरहेको उनले बताए ।
तीव्र गतिमा गुडिरहेका दुवै बस अनियन्त्रित भई एकआपसमा ठोक्किएका प्रहरीले जनाएको छ ।
