०८ असार २०८३, सोमबार
काठमाडौंको सीतापाइला र धादिङको धार्के जोड्ने सडक आजदेखि पुनः १५ दिन बन्द हुने भएको छ ।
जिल्ला प्रशासन कार्यालय धादिङले सडक स्तरोन्नतिका निम्ति आजदेखि १५ दिन सडक बन्द गर्न लागिएको जानकारी दिएको हो ।
धार्के–ठूलोखोला खण्डमा दोस्रो लेयरको कालोपत्र गर्ने काम शुरू भएको भन्दै यसअघि धार्के–सितापाइला सडकखण्ड कात्तिक ४ गतेदेखि बन्द गरिएको थियो ।
विकल्पको रुपमा गल्छी–विदुर–छहरे–टोखा वा धार्के–नौबिसे–नागढुंगा सडक प्रयोग गर्न जिल्ला प्रशासन कार्यालय धादिङले जनाएको छ ।
