१४ असार २०८३, आइतबार
चितवनमा बोलेरो गाडीको ठक्करबाट साइकलयात्रीको मृत्यु भएको छ ।
भरतपुर महानगरपालिका–५ स्थित नयन चोकमा आज मध्यान्ह १२ बजे ना ४ च ६९५१ नम्बरको बोलेरोले साइकललाई ठक्कर दिँदा साइकल चालकको मृत्यु भएको हो ।
मृत्यु हुनेमा पर्सा सखुवाप्रसौनी गाउँपालिका–४ घर भई हाल गैँडाकोट नगरपालिका–५ मा डेरा गरी बस्दै आएका १७ वर्षीय ईशान अन्सारी रहेका छन् ।
बोलेरोको ठक्करबाट गम्भीर घाइते भएका अन्सारीको भरतपुर अस्पतालमा उपचारको क्रममा मृत्यु भएको जिल्ला प्रहरी कार्यालय चितवनका प्रवक्ता भेषराज रिजालले बताए ।
ठक्कर दिने बोलेरो र चालक प्रहरी नियन्त्रणमा रहेका छन् ।
