११ साउन २०८३, सोमबार
राष्ट्रिय स्वतन्त्र पार्टी (रास्वपा)का सभापति रवि लामिछानेको दोस्रो दिनको बयान शुरू भएको छ ।
बुधबार बिहान सवा १० बजेबाट भैरहवास्थित जिल्ला सरकारी वकिल कार्यालयमा लामिछानेको बयान शुरू भएको हो ।
लामिछानेलाई प्रहरीको घेराबाट सरकारी वकिल कार्यालय प्रवेश गराइएको थियो ।
जिल्ला न्यायाधिवक्ता प्रेमराज पौडेल, इलाका प्रहरी कार्यालय बुटवलका डीएसपी विजयराज पण्डित, प्रहरीका अनुसन्धान अधिकारीलगायतको उपस्थितिमा रविको बयान शुरू भएको छ ।
मंगलबार बयानपछि कार्यालयबाट बाहिरिने क्रममा ‘खोरमा बाघलाई थुन्दैमा स्याल हुँदैन’ भन्ने प्रक्रिया दिएका थिए । त्यसपछि आज प्रहरीले उनलाई घेरा हालेर सरकारी वकिल कार्यालय प्रवेश गराएको हो ।
सहकारीको रकम अपचलन गरेको आरोपमा अनुसन्धानका लागि कात्तिक २ गते उनी पक्राउ परेका थिए । पोखरा प्रहरीको हिरासतमा रहेका उनलाई मंगलबार रुपन्देही ल्याइएको थियो ।
