२५ जेठ २०८३, सोमबार
वरुण विभरेज नेपाल सबैभन्दा बढी कर तिर्ने विशेष उद्योगको रूपमा सम्मानित भएको छ ।
शनिबार आन्तरिक राजस्व विभागले विशेष उद्योगहरूमध्ये सबैभन्दा बढी कर दाखिला गरी राष्ट्रिय विकासमा योगदान पुर्याएको भन्दै वरुण विभरेजलाई सम्मान गरेको हो ।
राष्ट्रिय कर दिवस २०८१ को अवसरमा वरुण विभरेज नेपालका फाइनान्स डाइरेक्टर सञ्जीव अरोरालाई उपप्रधान एवं अर्थमन्त्री विष्णु पौडेलले सम्मानपत्र प्रदान गरेका हुन् ।
सरकारले मूल्य अभिवृद्धि कर ऐन २०५२ लागू भएको दिन २०५४ मंसिर १ को आधारमा २०६९ सालदेखि हरेक वर्ष मंसिर १ गते राष्ट्रिय कर दिवस मनाउँदै आएको छ।
कर दिवसका अवसरमा उत्कृष्ट कार्यसम्पादन गर्ने कार्यालयहरूलाई पनि सरकारले बर्सेनि सम्मान गर्दै आएको छ ।
सन् १९९५ मा स्थापना भएको वरुण विभरेज (नेपाल) प्रालि अमेरिकन बहुराष्ट्रिय कम्पनी पेप्सीको बोटलर कम्पनी हो ।
