२५ जेठ २०८३, सोमबार
पूर्व-पश्चिम राजमार्गअन्तर्गत कञ्चनपुरको शुक्लाफाँटा नगरपालिका–११ स्थित कलुवापुरमा बस दुर्घटना हुँदा ३१ जना घाइते भएका छन् ।
धनगढीबाट महेन्द्रनगरका लागि छुटेको ना ४ ख ७७५५ नम्बरको बस शनिबार साँझ दुर्घटना हुँदा बसमा सवार ३१ जना घाइते भएका हुन् ।
घाइतेमध्ये दुई जनाको अवस्था गम्भीर रहेको जिल्ला प्रहरी कार्यालयका सूचना अधिकारी प्रहरी नायब उपरीक्षक उमेश जोशीले जानकारी दिए ।
घाइतेहरूको अत्तरिया र महेन्द्रनगरस्थित महाकाली अस्पतालमा उपचार भइरहेको छ ।
घटनाबारे अनुसन्धान भइरहेको प्रहरी नायब उपरीक्षक जोशीले बताए ।
