३० असार २०८३, मंगलबार
माडागास्करको तटमा दुईवटा डुङ्गा पल्टिँदा २४ जनाको मृत्यु भएको स्थानीय प्रशासनले जानकारी दिएको छ । प्रशासनले ज्यान गुमाउने अधिकांश सोमालियाका नागरिक रहेको बताएको छ।
सोमालियाको विदेश मन्त्रालयले बाँकी रहेका मानिसको सुरक्षित फिर्ताको सुनिश्चितता गर्ने प्रयास भइरहेको जनाएको छ । दुवै डुंगामा जम्मा ७० जना सवार थिए ।
एक वरिष्ठ सरकारी अधिकारीले स्थानीय मिडियालाई भने कि मानिसहरूलाई माछा मार्नेहरूले उद्धार गरेका थिए ।
बेरोजगारी र गरिबीका कारण अफ्रिकाका युवाहरू राम्रो जीवनको खोजीमा युरोप पलायन भइरहेका छन् । माडागास्करका अधिकारीहरूले मारिने अधिकांश आप्रवासी रहेको बताएका छन्।
